Fuqia e Heshtjes
I ngjaj vullkanit,
që në shpërthim mbulon gjithësinë përqark
e prapë kërkon vetminë.
Në mitër të formoj xhevahire
e t’ua ndaj sërish
në shpërthim!
Unë hesht për të shpërthyer
e nuk zbrazem,
që të ngrij!
~
Uji
Ujin duke pirë,
dikush, trembshëm, foli.
E dorëdridhura,
ujit drejtimin ia ndërroi.
Bluza u lag,
nudon e gjirit nxori.
Dyfish e skuqur, pa faj,
dhe ujë s’pi.
…
Iku!
~
E drejta e autores e rezervuar.
