ATDHEU FLET SHQIP
Poezi kushtuar gjuhës, historisë dhe shpirtit shqiptar.
Nga Ferit Toma
Atdheu flet me gjuhën tonë,
Me fjalën e ëmbël si këngë në gojë,
Me rrënjë të thella në histori,
Me shqipen tonë plot krenari.
Në çdo shkronjë rron një jetë,
Në çdo fjalë një amanet,
Nga të parët na erdhi kjo dritë,
Ta ruajmë shqipen përjetësisht.
Atdheu flet shqip në çdo vatër,
Në malet tona, në çdo prag,
Nëna i mëson fëmijës fjalën,
Mësuesi i ndez gjuhës zjarrin
Nga Çamëria në Kosovë,
Shqipja bashkon çdo krahinë,
Në çdo zemër, në çdo stinë,
Rron e gjallë gjuha jonë.
Mos e lëmë fjalën të tretet,
As në harresë të na mbetet,
Se një komb që gjuhën ruan,
Rrënjët kurrë nuk i harron.
Atdheu Flet Shqip – zëri ynë,
Gjuha, historia, krenaria jonë!
Për brezat që vijnë pas nesh,
Shqipen lart gjithmonë ta ngresh!
