MJAFT MË!
(Fjalë nga largësia, për plagën që dhimbet njësoj)
Edhe pse jetoj jashtë vendit, lajmet që vijnë nga vendlindja dhe trojet tona ma thyejnë shpirtin çdo ditë.
Distanca nuk e zbut dot dhimbjen, as nuk e pakëson revoltën.
Çdo herë që një grua vritet, nuk shuhet thjesht një emër. Vritet një nënë, një vajzë, një motër. Vritet e ardhmja e të gjithëve ne.
Dhuna ndaj grave nuk është një “problem familjar” që duhet të mbyllet brenda katër mureve.
Ajo është krizë kombëtare dhe emergjencë njerëzore. Indiferenca e secilit prej nesh është bashkëfajësi.
Kur dëgjojmë dhunë pas murit dhe heshtim, ne bëhemi palë me dhunuesin.
Sot, mesazhi ynë nga çdo qoshe e botës duhet të jetë i qartë dhe i prerë:
Mjaft me arsyetime të turpshme! Mjaft me dështime të sistemit të drejtësisë! Mjaft me jetë të këputura në mes!
Duhet të bëhemi zëri i atyre që nuk mund të flasin më.
Duhet të mbrojmë çdo grua që sot jeton me frikë. Çdo vajzë meriton të rritet e lirë, e sigurt dhe pa frikën se jeta e saj mund të merret nga ai që pretendon se e do.
Nuk ka paqe në një shoqëri ku gratë nuk janë të sigurta.
Le ta kthejmë dhimbjen në forcë, në ligje më të rrepta dhe në një kulturë ku respekti është i padiskutueshëm. nga larg, por me zemrën aty! 
#MjaftMë #Ndal Femicidit #DrejtësiPërGratë #MbroGjakunMbroJetën #StopDhunës
Xheva Salihaj
28 Tetor 2026 Austri
