“NË UDHËN E PËRVOJËS “
*
Kam njohur , shumë “Pelivanë”
Në udhën time të jetës e përvojës ,
Si dhe adhurues të zhurmshëm
Të “idhujve të mëdhenj”!
*
Njerëz nga më të ndryshëm :
Të rracës , sërës dhe sojës ,
Por dhe palaço e gënjeshtar të afirmuar
E të kollarisur si farisjenj !
*
Kam njohur , të betuar që nderonin
Brendësin e papërcueshmërisë ,
Por dhe nga ata , që në përzgjedhje
Ishin të dyzuar , të përkundur !
*
Martirë , që sakrifikoheshin
Si heronj prej paarsyeshmëris ,
E një duzin të tërë prej se vërtetës
Të lodhur , të mundur !
*
Kam njohur dhe ca “esnafë”
Që me “mençuri” e vun teprinë ,
Por dhe batakçinj , që lumturin e t’jetrit
E shihnin tek lëmosha e dhuruar !
*
Ca qafirë e kapadainj
Bastexhinjë e kumarxhinjë ,
Si dhe të përgjumur letargjik
Që as nuk mundën për tu zgjuar!
*
Kam njohur dhe nga ata , që mirënjohjen
E kërkonin si borxh një ditë ,
E ngazëlleheshin nga mençuria
E budallallëkut të tyre në të vërtetë !
*
Si edhe të ç’mësuar ,
Nga kuptimi i qënies së tyre të pakuptimtë ,
Që shpesh nga thesaret dhuronin
Ca thërrime , për mjeranët e shkretë !
*
Kam njohur dhe predikues ,
Që për një jetë të përtejme fantazonin ,
Por dhe shumë ” fitimtar të zotë”
Që përqeshnin naivitetin !
*
Fanatik anormal të ç’mendur
Që sinqeritetin përçmonin,
E ca “diturakë”, që u vidhnin dijet të urtëve
Dhe i servirnin ato si të vetin!
*
Kam njohur dhe shum” ideatorë”
Me atë mëndjen e tyre të shterë ,
Kodoshë , që e trumpetonin
Artin e jetës me profeci !
*
Mburravec , që krenoheshin
Për kulturën e tyre të nderë ,
Si dhe Indiferent , që shqeptonin
Gjithçka , me cinizëm pa kufi!
*
Kam njohur , titanë impotent
Eremitë e timpan supremë ,
Zabërhan dhe oratorë të denjë
Si profesionistë ndaj fatalitetit !
*
Por edhe ” kollos nga paria”
Ëndërrimtarë e sedërllinj të mëdhenj,
Pasardhës , që zvarriteshin si trashgimtarë
Pas fronit të pushtetit !
*
Kam njohur dhe magjistarë ,
Fallxhorë , kureshtarè e sehirëxhinjë ,
Çërra , lëpirësa , lajkatarë
Nostalgjikë , fuksa dhe spiunë !
*
Frikëndjellës , hipnotezues
Lakmitarë , sojsëz e qylaxhinjë ,
Por hajdutër dhe mashtrues
Njoha për fat të keq , më shumë !
