Sherife Allko
Poetët bëjnë dashuri.ndryshe
Poetët nuk të prekin me duar,
por me fjalë që digjen ngadalë në shpirt.
Ata nuk të zhveshin trupin,
por të zbulojnë mendimet më të fshehta.
Poetët nuk të puthin në buzë,
por në kujtesë ,
aty ku mbeten gjurmët që nuk shihen,
por ndihen si plagë e ëmbël.
Ata bëjnë dashuri me heshtjen,
me një varg të thënë në kohën e duhur,
me një shikim që shkruan poezi
pa pasur nevojë për letër.
Poetët dashurojnë pa zhurmë,
si nata që mbështjell qytetin,
dhe largohen po aq qetë,
duke lënë pas një dritë që s’fiket.
Sepse për ta, dashuria nuk është trup,
është ndjenjë që merr frymë në vargje,
është një zjarr i fshehur
që vetëm shpirti di ta mbajë gjallë.
Dhe kur një poet të do,
mos kërko prekje ,
sepse ai tashmë të ka përqafuar,
aty ku askush tjetër s’arrin dot.
Sherife Allko
02.06.2026
