ROBERT ALIAJ DRAGOT
Robertin dhe familjen e tij e kam njohur nga afër në Athinë, kur ai ishte atje familjarisht.
Është një njeri i nderuar, fisnik, shumë i talentuar, i shkathët, që ta thotë të vërtetën në sy e jo pas krahëve.
Ka një familje të mrekullueshme, fisnike, vetë ai me bashkëshorten e tij Mozën, (që ka një nënë shumë të mirë), më ndihmuan menjëherë kur kisha një problem e hall të madh jete.
Në Athinë eci goxha me piktura, hapte ekspozita, shiste, blinin edhe koleksionistë, shkurt u bë emer i njohur, bëri edhe një album me këngë shqip e greqisht.
Më pas me anë të pikturës shkon dhe vendoset në Belgjikë, dhe aty pati mjaft sukses që vazhdon edhe sot e kësaj dite. Më pas, aty merret me filmin e shkurtër, video artin etj.
Është një artist i kompletuar si në pikturë ashtu edhe në këngë…
Në këngë për mua ishte më i talentuari në dhjetëvjeçarin e fundit komunist të ’80-tës.
Dhe që e shoh të rikthyer e me shumë projekte më bëhet shumë qefi.
Si njeri mund të them që është shumë i mirë, kuptohet ka veti të artistëve të vërtetë, që jo gjithmonë kuptohen nga të tjerët.
Dhe ka nje zemer 100% shqiptare.
Me shumë respekt për të dhe familjen e tij fisnike.
(Shënimi nga: Andi Meçaj, Vlorë, 8 qershor 2022)
