Kur dhimbja godet zemrën
(Nënës )
Nëpër ëndërra do më dalësh
moj e dashur nëna ime
Nëpër vargje do të shkruaj
Në ç’do gërmë mbushur kujtime .
Brenda Zemrës e pashuar
Nëpër ëndërra e sfilitur
Ti na shikon përmbi hënë
Shpirti ytë me ylber ndritur .
Dua të humbas mendimet
Dhimbja zemrën ma godet
Si dallgë e detit mbi valë
Kur dallga me dhimbjen flet .
Nënë moj e dashur
Nënë ...
zgjat dorën të ulësh hënën
ngjitet malli nëpër rrënjë
Kujtimin e humbjes tënde.
