Viktor Gjikolaj
NEKROLOGJIA E TIM ETI
Nekrologjia e tim eti
Fillon me zanafillën e nje shekulli,
Kur ai erdhi në jetë.
(Oh! jetime, moj nëna ime!)
Nga bashkëjetesa e tyre
Lindën dhjetë fëmi,
Unë jam i teti –
Katër ia korri vdekja,
Ia mori nga djepi…
Jetoi nëpër dy lufta botnore
Dhe nuk mori asnjë plagë…
(Thonë ishte patriot i ndershëm)
Jetoi me djersë, me shpresë e besë.
S’dinte shkrim e këndim im atë mendjehollë,
Nuk pat as kursin kundër analfabetizmit;
Vdiq me dyzet varra në zemër,
Në dyzetvjetorin e çlirimit…
