Po botoj një shkrim ku profesori Mathieu Aref ka shkruar pasi lexoi artikullin tim…
Mathieu Aref- Ja një shkrim që i dërgova mikut tim Gëzim Llojdia në lidhje me një artikull që ai botoi për mua dhe që kishte të bënte me të gjithë veprën time.
Ju falënderoj ngrohtësisht dhe sinqerisht që shkruat një artikull kaq të shkëlqyer rreth takimit tonë në vendin arkeologjik të Orikumit dhe rreth botimeve të mia historike dhe gjuhësore mbi Pellazgët, paraardhësit tanë të vërtetë dhe populli më i vjetër të Evropës, pararendës të pushtuesve Helenë që uzurpuan dhe përvetësuan qytetërimin e tyre të lashtë.
Duhet të theksoj se nëse nuk do ta kisha kontrolluar Facebook-un në celularin tim, nuk do ta dija kurrë që e kishit publikuar. Në fakt, në kompjuterin tim ku ndodhet faqja ime kryesore në Facebook, nuk u njoftova se kishit publikuar një artikull për mua në faqen e internetit : « gazeta destinacioni.al » ! Për fat të mirë, e zbulova këtë artikull në celularin tim… përndryshe, nuk do të kisha qenë kurrë në gjendje të shkruaja këto pak rreshta për t’ju falënderuar dhe për t’ju përgëzuar që publikuat këtë artikull për mua.
Tani kam disa pyetje : pse nuk më njoftoi Facebook për këtë ? A është për shkak se Facebook është nënshtruar presionit politik apo gjeopolitik ? A ka pasur presione të tjera nga kundërshtarët dhe armiqtë e mi të betuar ? A është thjesht një gabim nga ana e Facebook-ut ?
Ballkani është plot me vende që janë të frustruara që “nuk janë popuj indigjenë”, përfshirë Grekët, Sllavët e jugut (Serbët, etj.), Bullgarët dhe Hungarezët, të cilët po bëjnë gjithçka që munden për të minuar historinë e lashtë para-helenike të popullit indigjen pellazgo-shqiptar !
