TANKA E HAIKU VERE
Puhizë verës
Si karemi i joshjes
Sjell në ndjenja trazira
Aroma dashurie
E ringjallje dëshirash.
Si karemi i joshjes
Sjell në ndjenja trazira
Aroma dashurie
E ringjallje dëshirash.
I ngrohtë si kurë
Syri diellit shtrihet
Lehtë mbi lëkurë.
Dëgjoj melodi
Motiv deti të hershëm
Nga tre poetë:
Diellin,ajrin,qiellin
Dashnorë të përjetshëm.
Thellë valëve
Dashuri t’ harruara
Ndjenja t’ vjetruar.
Varg milingonash
Rresht ushtarë si vargani
Në pisk të vapës
Si mundi i bujqve
Për të mbushur hambarin.
Korrik i zjarrtë
Si një hije e marrë
Kërkon për nuse.
Parajsa kundron
Nga tarracat verore
Heshtjen magji fton,
Natën shastis,ëndërron,
Sodit udhët hënore.
Vera ngroh zemrat
Dielli e puth tokën
Si meshkujt femrat.
Rend nëpër deje
Dëshira zjarr për detin
Kurse shpirti ngërthehet
Prej stuhish dashurie
Që ngjajnë me tërmetin.
Natë freskie
E ëmbël pije e dehjes
Fllad dashurie
Mbartin netët e verës
Të djelat e shkujdesjes.
E ëmbël pije e dehjes
Fllad dashurie
Mbartin netët e verës
Të djelat e shkujdesjes.
