Kërkoj një vajzë…Dori Camaj 

Kërkoj një vajzë,

që qan kur personazhet

në filmin e saj të parapëlqyer

ndahen...

Kërkoj një vajzë,

që ujit lulet

kur dielli

u bie në kokë

e i lë dorëzua mbi bordura...

Një vajzë kërkoj,

që dërgon ende

letra të shkruara me dorë,

e mbi zarf,

lë buzët e saj si shenjë malli...

Një që syt i lan edhe në burim,

e një zog

s'do e linte kurrsesi

krahthyer mbi gjethe...

Një vajz që fle me librin e saj nën jastëk ,

e i rikthehet më të dashurit

kur zemra i bëhet thërrime...

Kërkoj një vajzë,

që më shumë se dritat që kanë ndezur mbrëmjet,

të çaj syrin e natës

me një buzëqeshje të shkujdesur

mes mbretërisë së heshtjes...