Ledja Lala
Poezi
Ju male, fusha, e kodra
Qiej të ngrysur
E lumenj të bukur si bora.
Në më dëgjofshi
Ejani më rrini te koka.
Se liria më ndau në mijëra copa.
*
Në tokën e bardhë
Në vendin timë.
Hasa miq, e armiqë
Zhytur thellë në ujrat e gjakut timë.
*
Aty ku linda, u rrita, e jetova.
Shpejt kuptova se toka s’ish më e jona.
Pamje të plogështa
Pushtuan syt e mi.
Me njerëz që më vodhën të vetmen liri.
*
E ashtu me zemrën thyer
Kërkoja gjuhën e vendit tim.
Dëgjoja mijëra fjalë
Por jo ato të shpirtit tim.
*
Befas zemrën një re dielli ma zgjoi,
Me dëshirë të madhe
Kosovën ma dhuroi.
Një fllad i ngrohtë seç më përshpëriti lehtë:
“Shekullofshë në vite Kosovë, Ti atdheu jonë”.
