ZËRI I NDËRGJEGJES
Aty ku zëri i ndërgjegjes bie,
Hejet e vetvetes zgjaten pambarim
Kulmeve të mashtrimit
Nga frikërat e përndjekjes,
Mbretëritë e të vërtetës shëmben ,
Shpata therëse gjuhen në kujtesë.
PUTH ME PASION POEZI
Ne kopshtin e ëndrrave
Ulem gjithnjë mbi shpresa dëshirash të vërteta,
Flokët lidh me një fjongo të gjelbërt jetë
Dehur jam gjithnjë
Nga aromë lule kumbulle,
Dhe shkruaj si të mos kem vdekje kurrë
Anonimatin tim përzgjedh
Si firmëtare të përjetësisë në shpirt
Teksa flirtoj me çdo gjallesë
Puth më pasion poezi.
