Perikli Shuli
Zagoria — një udhëtim që nuk është thjesht lëvizje në hapësirë, por një përjetim i thellë shpirtëror, ku natyra dhe historia flasin me një gjuhë të përbashkët. Mes maleve madhështore dhe ajrit të pastër, ky vend të lë pa fjalë, sikur çdo gur e çdo shteg të mbartë një rrëfim të lashtë. Nuk është e tepërt të thuhet se Zagoria është vendi ku takohen perënditë, aty ku bukuria natyrore merr përmasa hyjnore dhe njeriu ndjen një lidhje të rrallë me tokën dhe origjinën.
Në këtë sfond mahnitës, aktiviteti mori një dimension të veçantë, duke bashkuar njerëz që jo vetëm udhëtojnë, por edhe shkëmbejnë mendime, ide dhe ndjenja për vlerat tona kombëtare. Një moment kulmor ishte nderimi i figurës së Andon Zako Çajupi, ku Presidenti i Republikës i akordoi titullin e lartë “Nderi i Kombit”, një vlerësim që përforcon madhështinë e kontributit të tij në kulturën dhe ndërgjegjen Kombëtare.
Ky aktivitet me vlera të mëdha , u bë i mundur falë përkushtimit të Lnpsha Pegasi Albania me President z. Kristaq F. Shabani , si promotore kryesore, në bashkëpunim me Komuna Sheper, duke treguar se bashkimi i forcave sjell gjithmonë fryte të çmuara.
Një falënderim i veçantë i takon z. Andon Pando, kryetarit të Shoqatës Kulturore Atdhetare “Çajupi”, i cili me përkushtimin dhe vizionin e tij bëri të mundur pjesëmarrjen dhe realizimin e këtij aktiviteti kaq domethënës.
Në fund, Zagoria mbetet më shumë se një destinacion — është një ndalesë e shpirtit, një vend ku historia, natyra dhe krenaria kombëtare bashkohen në një harmoni të rrallë.
