FILL PAS MEJE MUZG NËN SHI
Fill pas meje muzg nën shi,
Nata hijesh…dallgë-mbytur,
Vjeshta terur…në pafundësi,
Hëna pellgjesh…e kacafytur…
Heshtja qasur si murgeshë,
Mes dy Botësh…përpëlitet,
Malli brengat…i ngre peshë,
Në stërkala…shpejt skalitet…
Mjergulla territ…ngazëllyer,
Mbyllet-hapet…plot finesë,
Shtigjesh era…ca rrëmbyer,
Retë shtegëton…në harresë…
Fill pas meje muzg nën shi,
Dielli detesh…sytë gremisur,
Vjeshta terur…në pafundësi,
Gjethet udhësh…supe-grisur…
