Ruzhdi Gole
Më pak jetoja vetëm
kur dija çfarë dashuroja
dashuroja bustin legjendën.
Afër, për t’u mbajtur, mend
ëndërrova liriken Lizetë,
shirat më qullnin
s’i shihja buz’plasur
syvëngërt shihja
mjegullinat retë…
Tani,
asgjë s’ka mbetur
nga livadhet tona
në këtë kryeqytet
ku vrapoj
ngadalshëm
për të kujtuar
çka deshëm
aq vrundull
aq qetë
ngadalë nxitoj mos mbërrij natën…
