Delja e zezë…
U akuzua delja e zezë:
-Ik tutje,na e prishe ngjyrën!
Ajo kish shpirtin
e zemrën të bardhë,
paçka se të zezë kish fytyrën.
U akuzua e gjora për pamjen,
këtë veç Zoti e ka në dorë.
Ajo veç lëkurën kish të zezë,
se shpirtin e kishte të bardhë
si borë.
U akuzua e ndanë nga tufa,
e veçuan nga fisi,
e bënë hasha.
Veç jeta me të
u tregua e mirë,
e vlerësoi për vlerën që ka.
E akuzuan padrejtësisht,
se ndryshoi rracën edhe ngjyrën,
por brenda llojit të bardhat dele,
kishin zi shpirtin
e bardhë fytyrën.
