——————————————-
Ç’të kam bërë që s’më hedh synë
Sa herë del më sheh dhe shfrynë ,
Shpirti im nëse të ngau
*
Ti i the vdis edhe ngjallu
Ndaj ajo psherëtimë i shkau
I shkau , por nuk të shau
Nuk të shau e as të vrau !
*
Si s’ma le të qetë një çikë
Herë e ndez dhe herë e fikë ,
Kur e shuan , kur i frynë
Ku ma gjen gjithatë frymë ?!
*
Ah , ajo e jotja frymë
Kur të delë mëngjes si Brymë ,
E të bie ndër të gdhirë
Mbi petale Trëndafilë !
*
Mos u bëj moj aq e ligë
Shkunde atë buzë një çikë ,
Veç një pikëz , nëse munde
Nga e jotja , buzë moj shkune !
*
Shkunde të më bjerë si Vesë
Me buzën nën buzë ta presë ,
Le ti lëmë më pas mëritë
Se më bëre shëndetligë !
