Agim Pipa
*Vizatim me laps dimri…
Një trëndafil i kuq,
një karajfil ngjyrë rozë,
xhaketë e bardhë dhe
pallto ngjyrë toke.
Aroma jote
sundon mbrëmjen
unë vizatoj në ajër
gjithë qënien tënde.
Gjymtyrët e dimrit
zbukurar me ngrica;
ti, në vals me trupin
e diellit, që po ikën.
Natë fundviti
me aromë gruaje;
e nesërmja fluturon
mbi gjethe të padukshme.
E nesërmja lind
mbi fytyrën e hënës…
@ag. pipa
