” FIRRAUNËT “
*
Të dy ishin firraunë
Por e shoqja pak më shumë ,
Burrë e grua menjëherë
Zunë të bënin dhe karrierë !
*
Për çudi të njerëzisë
Ngjitën shkallët e hirarkisë ,
Por i prishi mor i prishi
Rryshfeti edhe bakshishi !
*
Ah, ky qerrata bakshishi
Dhe të ” nderëshmit “na i prishi,
Se harbutët për pushtet
Shesin nder dhe dinjitet !
*
Esnafër janë k’ta hajdutër
K’ta dreqër e k’ta kopukër,
Na shfaqen me fytyrsi t’jetër
Por janë profesionistë të vjetër !
*
Ajo , i rrinte pas të madhit
Si miza n’prapanicë të kalit ,
Ndaj shpërblim mikes së vet
I dha fron , por dhe pushtet !
*
Deputet ja bëri të shoqin
Dordolecin, kallamoqin,
Verdhacukun si mehit
Porsi ai Misri hibrit !
*
Një gramë tru nuk kish as mënd
Por zu vend në kuvënd,
E ç’lexonte ai tru tharë
Ja shkruante një gazetarë !
*
Jepte lekë për ato fjalime
Shpesh na mbante ligjërime,
Por sa niste ti lexonte
Lëmsh i bënte , i ngatërronte !
*
Por një ditë i vunë hunë
Nga partia e përzunë,
Se aq zhvati e na vodhi
S’di si burgut , paq ja hodhi !
*
Më pas mikja na u mërzitë
Për të t’jerë , tha kam paditë ,
Na i frikësoi ajo manare
Tha do shkoj nëpër portale !
*
Dhe nuk ndëjti urtë më pasë
Por sa u bë gati të flasë ,
Ja mbyllën shpejt gojën Dhisë
I dhanë postin e bashkisë !
*
Nuk ja vlen i thanë të llapësh
Por shiko kap ç’të kapësh,
Bënë marrëveshje e kompromisë
Interesash e poshtërsish !
*
Por karrier bëri edhe ai
Ai lëpushka pa kalli,
Se kjo puna e partisë t’jetër
Na u bë avaz i vjetër !
*
Se hajdutët e delenxhinjtë
Nastradinët e faqezinjtë ,
Çakejtë ikin nga kopeja
E na krijojnë parti të reja !
*
Ku nuk hyri e ku nuk doli
Nga nuk hëngri , piu e vodhi ,
Dhe një ditë prap ky i marrur
Kantidoi si i pa pavarur !
*
Ç’nuk dëgjoi i ziu miletë
Ç’nuk i panë sytë në t’vërtetë ,
Firraunët kanë një jetë
Sa u thinjën në pushtetë !
