” VETMITARI “
—————————–
*
Në morg i mbyllur për ditë e netë
Do rri ky trup pa jetë i shtrirë ,
Eh , aty pranë askënd s’do ketë
Veç copa akulli , ta mbajnë të ngrirë !
*
Kur t’më përcjellin , një lot i huaj
Nuk di në ç’emër do t’më thërrasë ,
Kur t’vij tek ti , o Zot më thuaj
E mi trego se ç’do të ngjasë !
*
Ndoshta dikush ca fjalë do flasë
Ashtu siç ndodh për ç’do njeri ,
Nuk di a do m’harrojnë më pasë
Kush do t’mkujtojë e t’më mbajë zi !
*
Nëse dikush një rresht do shkruaj
Tu thotë të t’jerëve njeri nuk kishte ,
Ndaj nga kjo Botë më nuk do vuaj
Sepse për të , veç vuajtje ishte !
*
Dhe kur t’mbaroj atë fjalim
T’lexojë në kartë atë ç’ka shkruar ,
Tu thotë kush do , në tempullin tim
Të lutet , me qiri në duar !
*
Jo mos mendoni se poshtë nën dhe
Trupi kur futet gjithçka mbaron ,
Se shpirti i tij shkon lartë , atje
Porsi një zog ai fluturon !
*
E se kush ishte , erdhi e shkoi
Ai të gjitha nga lartë shikon ,
Kush një grusht dhe ,hodhi mbuloi
Qau dhe foli , ai i dëgjon !
*
Fort i çuditur kam për të mbetur
Kur t’shoh dhe njerëz që si ka parë ,
Ah , sa shumë erdhën sot që kam vdekur
Po dje ku ishin , kur isha gjallë ? !
