Dritan Mardodaj
“Pa Drejtësi”
Pa drejtësi çfarë mund të presësh
Nga ripjella e pabesës
Pa drejtësi çfarë do me prit
Kur i thonë natës “ditë”?!
Pa drejtësi o miku im
Mos bëj kot ti agjerim
Pa drejtësi nuk ke nga shkon
Rrin pa gjumë gjer natën vonë
Pa drejtësi si “majtas – djathtas”
Mçifen horrat dhe “laraskat” .
S’keni faj që nuk e njihni
Tërë këto vite “fabrikë zifti”
Pa drejtësi pat thënë një “xhajë”
I kanë thënë dhe derrit “dajë” .
Pa drejtësi nuk ka vlerë vula
Kur këta duan vetëm kulla
Pa drejtësi s’të haet buka
Këta krenohen thonë : – ta futa.
Pa drejtësi pat thënë dikush
Është më keq se n’Hindu Kush
: – Byrazer s’po më zë gjumi
Se drejtësinë po e merr lumi.
Pa drejtësi ka veç hajni
Në Kosovë dhe Shqipëri
Pa drejtësi nuk vjen pranvera
Kur n’gjykatë të mbyllet dera.
Pa drejtësi tha dhe Perlati
S’ka çfarë t’bëj as avokati
Dje që ishte ditë e shtunë
Për drejtësinë nuk kishte punë.
Pa drejtësi nuk ka Drejtësi
Pa drejtësi ka padrejtësi
: – A merr vesht o prokuror
Duam Drejtësi s’dum “regjizor”.
.
.
.
.
.
Dritan Mardodaj
.
.
.
2025
