” DO TË VIJ MIKE DO VI “
*
Do të vij mike do vi , pas mesnat kur të flesh ti
Pas mesnat kur të flesh ti , në parvaz aty do vi ,
Në parvaz aty do vi , me orë të tëra do rri
Gjith natën të të shoh , aty sipër do ta gdhi !
*
Do të rri të përgjoj kur të shtrihesh moj Hyjneshë
Nga dritarja do të futem , e ta heq atë mbulesë ,
At mbulesë do ta heq sa të shoh njëher zbuluar
Në atë gjum të parë ,kur të jesh duke ëndërruar!
*
Aty natën do ta gdhi, veç zbuluar të të shoh
Mbi parvaz aty do rri , nuk do iki mike jo !
Në rënça e u vrafsha mu thaftë syri në s’të pavsha
U thaftë syri në s’të pafsha në cop e çik u ndafsha !
*
S’di më pas nga ai gjumë mike ti a do më ndjesh
Apo do të duket ëndërr edhe zgjuar po të jesh ,
Nëse zgjuar do të jesh , bëm një shënj më buzqesh
Më buzqesh në je zgjuar pranë aty do të më kesh !
*
Pranë teje do më kesh , mike ti sapo të zgjohesh
Të betoj për kokën tënde , hapi sytë të më shohësh
Hapi sytë dhe më thuaj , ai gjumë si të është dukur
Në ishte vërtet një ëndërr , apo nata më e bukur !
