Ariel Bella
Ashtu dija / So I Believed
Shqip
Ashtu dija
se emri yt do të ishte gjithmonë shtëpia ime
por tani mbaj vetëm kujtimet.
.
Gjithçka u bë në mijëra copëza
si pasqyrë që bie nga dora.
Momentet tona të bukura
tani mbeten si bar i thatë.
.
Në ditët që shkuan pa u ndalur
lamë veten tonë
harruam buzëqeshjet t’i merrnim me vete
dhe mbartëm mbi supe veç trishtimin.
.
Shpirtrat tanë aq të lidhur
u zgjidhën
dhe vazhduan rrugën e vet pa u stepur.
.
Kujtoja se duart do të mbeteshin të bashkuara
por jeta kishte plane të tjera.
.
Ashtu dija se dashuria nuk do të shuhej
por ajo u zbeh
siç zbehen ngjyrat
dhe humbasin bukurinë.
.
Asgjë tjetër nuk të kërkoj
veç të mbash në zemër ato që jetuam
si dritë që s’do të perëndojë.
