Kujtim N. Mullai
Nga CIKLI: " TRIPTIKËT "
B U K U R I A
- A -
Ah,kjo BUKURIA,
Mbeti QIELLI I SHTATË,
KRYEMUZA e vargjeve të mia!
Fjalorëve, pa TË,
Do ju mungonte një zë:
PËRSOSMËRIA...
S'ka PËRSOSMËRI
pa BUKURI!
BUKURIA i vishet
PËRSOSMËRISË
Si fustani e velloja nusërisë!
- B -
Para BUKURISË kur kalon,
Po ule sytë përdhe,
nuk e sheh,
Bën krim, e lëndon!...
A do çelnin lulet,vallë,
Po s'pati sy për t'i parë?
Për sytë janë
Tualeti, dekoltetë, moda,
Me të cilat zgjohet
e ngryset BOTA.
- C -
...Dhe dihet:
Mjerë kush të sheh,
Pa të thënë
"Sa e bukur je"!...
Ç'inat që ke!…
Po ç'faj kemi ne,
Kur,TI,hijen na hedh,
Na shtang
e pa mend na le?
