———————————
*
Kur të pash , oh , jo mor jo
Jo mor jo , thash ç’të shoh ,
Thash ç’të shoh , ah , sytë e tua
Më dogjën dhe xhanin mua !
*
Ah , e dija moj e dija
E dija , ndaj thash të vija ,
Thash të vija por çe do
Etjen , nuk e shuajta jo !
*
Thash të vija se e dija
Tek burimi do të shija ,
Do të shihja e kur të vija
Një pikë ujë , nga ty do pija !
*
Buzëqeshur tek më shihje
Thash do vije moj do vije ,
Më shihje po s’di pse svije
Një pikë ujë , të më bije !
*
T’ma bije me atë shtëmë
Të pija prej ujit tëndë,
Ku pinin buzët e tua
Me atë t’më jepje mua !
*
Si s’më dhe një pikë s’më dhe
Një pikë ujë s’di se përse ?!
Nuk më dhe , as nuk më erdhe
Kotruven në çast e derdhe !
*
Ç’më ke bërë, ç’më ke bërë
Për ty një burimin të tërë ,
E thava , gjer sa shteroi
Por etjen , jo nuk ma shoi !
*
S’ma shoi , më shumë mu shtua
Mu shtua nga sytë e tua ,
Ah , ata dy sytë e tua
Më ndezën , të tërin mua !
