Shire Dhima
Ti dashuri qënke pa skaj
unë të ngjaj ty, ti i ngjan asaj
jeni botë përtej botëve
jeni fryma e dalë prej lotëve.
Jeni gjithçka ,jeni pafund
ti dashuri sa më përkund
ku shkon drita,ato gjurma ke ti
univers që s’mbytet në thellësi.
Se di ç’më jep ,kur ju shoh ju
shoh diell që qesh në qiellin blu
horizontin shoh që flatëron
shoh lumturinë që më mbulon.
Jeni rreth meje,dritë në orbitë
mjalti i zemrës ,qënkan fëmijtë
stinën e moshës ,e hedh pas krahëve
dallgët e jetës,shkrihen mes valëve.
Edhe e ikur ,sikur të jem
shtrat oksigjeni përsëri do kem
do marrë frymë në përjetësi
T’përshëndes nga lart, k’to dashuri.
