Eja moj e bukur!
Eja moj e bukur,syrin si gajtan
kjo zemër po dridhet ,kërkon të ketë pranë
pak nga fryma jote, sa t’punoj kjo zemër
gjithë aromën tënde,do ja shkruaj me emër.
Eja moj sy shkruar, të lexoj dy fjalë
sa fjalë magjike,më vijnë valë valë
fëshfërima e flokve,si zanë në livadh
më ngjan me fllad vjeshte, më ngjan aromë dardhë.
Eja moj belë hollë, moj të marrtë era
porsi gjethe vjeshte, t’më ulesh tek dera
jam ulur tek pragu,po pres të vish ti
gjithë këtë zjarre vjeshte,t’a kthejmë dashuri.
Eja gjeraqinë,merr krah nga veriu
nën dashurinë time , t’i futu dhe fshihu
eja për dy sytë,se ti mi ke marrë
më përpive fare, tek ty ndjehem gjallë!
Eja me k’të vjeshtë, të vesh me argjend
si t’i dhe vjeshta ,më latë pa mend
dhe frutat po ndizen,e ëmbël je ti
t’i qënke frut vjeshte, më fal një shkëndijë!
Eja ti moj flutur,kam lule në shpirt
gjithë dhomat e zemrës,shkëlqejnë vetëm dritë
në krah dashurie,kam shtruar aromë
dëgjoma pak zemrën, për ty gurgullon!
Dëgjoma pak zemrën,po të pret krahapur
gjithë ndjenjat e trupit,pas teje janë kapur
ti preki një çik,sa të marin flak
mbi prush dashurie,t’a shkruajmë këtë fat!
