Dritan Mardodaj
“Lidhja Shqipëtare e Prizrenit”
Në Prizren u mblodh Burrnia
Tema e ditës, Shqipëria
U bashkua Ajka Shqipëtare
Për t’mbrojtur trojet amtare.
Për me kundërshtu copëtimin
Në Prizren bënë betimin
Shqipërisë zot me i dalë
Asnjeherë mos me u ndalë.
Abdyl Frashëri mbajti fjalën
: – Shqipërinë kryefjalën!
Mjaft e lamë të ndarë në katërsh
Nga k’ta “fqinjët” tanë të mbrapësht!
Zonjën e hijshme n’Evropë
Mos t’a lëmë më përtokë
Mos t’a lëmë si nënë pa djalë
Por t’a ngrejmë në piedestal!
Foli Ali Pashë Gucia
: – Do mobilizuar Malcia
Do t’i bëjmë ballë çdo tiranit
Dhe traktatit t’Shën Stefanit
Të mbrojmë Plavë edhe Guci
Nga togat e Malit t’Zi!
Ushtaraku Sylejman
: – Do e mbrojmë ne vatanë
Me çdo mjet dhe sakrificë
Do luftojmë në vapë dhe ngricë!
Dhe Mustafa i Gjakovës
Haxhi Zeka i Kosovës
: – Neve jemi shqipëtarë
Dhe nuk bëjmë dallim fetarë!
Ishin burra si qëmotit
Si n’kohën e Kastriotit
Ndaj kjo Lidhje sot jehonë
Dhe shqipëtarët i bashkonë!
“At Irakli Pylli”
Kjoftë lëvdue myzeqari
Irakliu, veprimtari
Komandanti, atdhetari
Prift i mirë, arsimtari.
Otomani e torturoi
Abetaren s’e dorëzoi.
Në Zemun t’Jugosllavisë
Ra martiri Shqipërisë.
Iku prapë edhe një at
U ngjit lart, edhe më lart.
