AVDUSH CANAJ
NË PREHËR TË REVE
Në prehër të reve
Detyrat i bëj më mirë
Nuk më shpëton asnjë gabim i vogël.
Matematika
Më duket e thjeshtë
Edhe gramatika
Me kryefjalë e kallëzuezor.
Kanjushat vijnë e m`i kontrollojnë
Si mësueset e bukura.
Pëshpërisin
Notë të shkëlqyer e ke nga ne
Plus
Edhe një ëndërr të kaltër.
Fletorën time në klasë
Mësuesja e qon përpjetë:
Kështu bëhen detyrat!
Nuk më pyet
Në ç`tavolinë kam shkruar
E ç`laps kisha te retë gjumashe.
...
