—————————-
*
Ku ta gjej një t’jetër , si ti o toka ime
Të shoh atë buzëqeshje , si rreze Argjëndore ,
Të prek dhe butësinë , e të bardhave Agime
Atë nektarin tënd , o dashuri Hyjnore !
*
Ku ta ndjej frymarrjen , e dheut pas plugimit
Të ngopem prej afshit , të pastër e të ngrohtë ,
Me atë aromë pjalmi , me Ves prej Trëndafilit
Dhe faqen e djersitur , ta vë mbi plis të ftohtë !
*
T’shoh rrezen dritërore , nga kreshta kur bie tinëz
Me ëndje të dëgjoj, atë zërin e Bilbilit ,
Të dehem prej aromës , që vjen prej Trëndelinës
Sapo të zbardh agu , nga flladi i Zefirit !
*
Më pas të vallëzoj , hareshëm në flatrim
Si vargjet lumturore , në ëndërrën e qetësisë ,
Ndjesia fërgëlluese , buzëqeshur Serafin
Të thur fraza kujtimesh , nga kohë e djalërisë !
*
Dhe njëherë ti përjetoja , ato çaste të hijëshme
Me ndjesi të rrejshme , e kënaqësi t’vërtet ,
Ky shpirt Pelegrin , mos t’më murmuriste
Për ditët e përflakura , që ikën kaqë shpejt !
