PËRGJIMTARËT
Ata vijnë prapa teje,
Si hije ngjitur në shpinë.
“Luftëtar” pas çdo beteje,
S’mund të thirren as ushtar,
Sepse hijet s’kanë gjymtyrë.
Pëshpëritës, përgjimtarë,
Nuk kanë shpirt e as fytyrë.
Hijet duan errësirë,
Dritën se durojnë dot.
Neveritës të pështirë,
Zvarritene rrojnë kot.
Jetojnë duke përgjuar,
Merimanga, thurin rrjeta.
Për kurthe kualifikuar,
Mes kurthesh u ikën jeta!…
