Dritan Mardodaj
“Romantikët e vjeshtës”
Për vjeshtën na paskan shkruar
Shumë poetë të nderuar
Por përse o të uruar
Kur shqipet nuk janë bashkuar
Kur vendi duke lënguar
Dhe kuvendi i korruptuar?!
Me qafirë dhe prostituta
Flasin këta për rezoluta?!
Për pushtet kaq të babëzitur
Flasin dhe për grupkapituj?!
Herë B.E e herë Bruksel
Për vit t’ri rrejnë pleqtë me gjel?!
Mos bëni si “romantik”
Kur ka hajna me pozitë
Dhe besëprerë në “opozitë”
Që i thonë natës “ditë”
Dhe bëjnë si “karizmatik”
Dosje dhe “profil psiqik”
A merr vesht a jo, or mik?!
Se për lule dhe dashni
Shkruj kur t’i kesh gjonat n’vijë
Shkruani për bashkim kombëtar
Dhe për hajnat në kandar
Shkruj për atdhedashuri
Jo për modë a për “risi”
Që e kanë si alibi
Patronazhët në parti
Që na shtirren “kuq e zi”.
Merrni laps apo kalem
Edhe shkruni për besëpremë
Për të kalburin “sistem”
Për hajni,dredhi dhe rrenë.
Po qe për t’shkruar për vjeshtën
Shkruani për 28tën
Për të ardhmen, të vërtetën.
Dhe për Nënën Shqipëri
Për liri dhe drejtësi
Dardani dhe Iliri.
Boll po merreni me lule
Dhe Shqipëria po me crrule?!
.
.
.
.
.
Dritan Mardodaj
.
.
.
2025,nëntor
.
.
.
