Nga CIKLI: " TRIPTIKËT " * * * TRIPTIKU I DITËLINDJES - A - Po lodhem kot, Fjalët për urim, S'po i gjej dot... Të lutem, më ndihmo: Këmbejmë zemrat nëse do; Kështu, do t'marrësh sot urime, Direkt, nga zemra ime! - B - E dashur! GËZUAR DITËLINDJEN!... Me të drejtë, Borxh do t'i jem kësaj dite, Që të solli,TY, në jetë, Pa qënë nevoja, Si ADAMI EVËN nga brinja, T'ju nxirrja vetë! - C - Sot, Pas festës TËNDE të DITËLINDJES, Për ne, një VIT I RI, ka nisë! Le të betohemi, e dashur: Çdo çasti, të këtij viti, T'i vemë vulën tonë të DASHURISË! * * * TRIPTIKU I MIRËNJOHJES - A - O grua! Askush në botë, si TI, DASHURINË, nuk e mbron! Për TË, nat' e ditë, Pa bujë, pa frikë, Edhe vdekjen sfidon! - B - Burri, i troket dashurisë, Vetëm kur ka uri. Gruaja, sofër e shtruar, Gjithë jetën rri... Po kush ja di?! - C - Po luftove për të fituar dashurinë, Siç lufton për të fituar pasurinë, Vërtet mund të mburesh si pronar, Por dashurinë e sheh si një mall, qoftë ky ar. Shpejt a vonë, me dhimbje, do zbulosh: Zemrën ke bosh! 4 shkurt 2026
