Kasam Shaqirvela
PENË E HOLlË
Poezi nga libri i 149-të, “S’ndalen vullkanet”
*
(krijuesve n’dashuri)
Pena juaj aq e hollë…
Gdhend fjalë me delikatesë
E ngjall atë që e dashuron,
Atë që e do se lë të vdesë.
Edhe fjala është e tillë
Sikur gurra gurgullon
Herë si mjalti rri në dyllë
Herë si thumbi të sëmbon.
Pra, është fjala e ëmbël
Që dashurinë e ngjall
Po është dhe fjala e sert
Që zemrën fort e ndez
A shpirtin flakë e kall..!
Atdheut kur ia prek dhimbjen
Dhe sagën q’e thur shpirti i poetit
Dashuria me bindjen i bëhen një
Ngrihen e ulen si valët e detit.
© K. Sh.
