” BOZAXHIU “
——————————–
*
Dikur shpesh më zgjonte një burrë me karrocë
Me një zë të ngjirur sapo kish lindur Dielli ,
Kembët hiqte zvarrë i vjetër ish në moshë
Në ç’do rrugicë thërriste , Boz e freskët Meli !
*
Pastaj e merrte udhën nga pazari i vjetër
Ku bujq e fermerë shisnin gjënë e gjallë ,
Dikush Grurë e Misër e Tërshër e Thekër
Një t’jetër ca Qepujka, Tërfil e jonxh për farë !
*
Nga fundi nëpër tezga bërtisnin arixhinjtë
Mall me ç’mim të ulët të mirë dhe të lirë ,
Nën hijen e një rrapi, ku rrinin qoftexhinjtë
Hamej dhe pijanec, ja shtronin duke pirë !
*
Xhambaz e matrapaz shihnin nga dhëmbët
Se ç’mosh kish një viç një dash apo një dhi ,
Nallban që i vinin patkonj kuajve tek këmbët
Tellallë që kërkonin dhe punë me hangari !
*
Tek tuk ndonjë fallxhore të zinte prit në rrugë
S’të ndahej pas të vinte një fallë për të hedhur ,
Më tej ca sehirxhinjë , xhepistë por dhe hajdutë
Vinin rreth e rrotull , ç’të gjenin për të vjedhur!
*
Të shfaqej pamje t’jetër në krahun matanë
Ca qen duke i shqyer atje qeset me plehra ,
Diku një mace hidhej , kërcente mbi kazanë
Dhe në gjithë pazarin , të kundërmonte era !
*
Por kurr nuk mungonin dhe disa djelmoshë
Kokë e këmbë përlyer , e rrobet gjithë djers ,
Plastika e kanaçe kërkonin lartë e poshtë
S’filitur dhe mbi shpinë , hedhur dhe një thes !
*
Dhe pse jam larguar diku në një vend t’jetër
Largë atij qyteti shpesh mbushem me ndjesi ,
Sa herë që e kujtoj atë pazar të vjetër
Më k’thehet nostalgjia , për atë Bozaxhi !
