Ç’është Atëdheu?
-Ç’është Atdheu?
Pyesim ende,
nga fillimi në vazhdim.
Një pikë loti rënë në faqe,
një dridhje zemre,fërgëllim.
-Është e ç’është Atdheu vallë?
Një fjalë zemre thënë bukur,
një mirësi dalë nga shpirti,
një zog në pemë,
mbi lule një flutur.
-Ç’është Atdheu ?
Pyetje shekullore,
po përgjigjet nuk kanë fund.
Është shumëçka,
shumë e shumë,
ninull që djepe ëndrrash tund.
Është ujëvara që rrjedh nga mali,
si flokë zane
dalë përrallash,
det i qetë,i trazuar,
shkëmbinj,brigje njomur stërkalash.
-Epo ,ç’është Atdheu tjetër,
për mua,ty,të gjithë ne?
Është universi,dielli,qielli,
është ky,më i ëmbli dhe.
Është natyra e bekuar,
më bujarja hijeshuar,
nuk e ka asnjë në botë,
gjithë thesaret na ka dhuruar.
Pyje,male,fusha,dete,
me ç’ka ka globi mbarë,
na i fali Zoti vete,
nëna natyrë,s’ka të sharë.
-Pra çfarë është Atdheu vallë,
për të gjithë me gjak shqiptari?
Është motivi i vetë jetës,
krenaria,ëndrra,malli.
