(Nga gjashtë)
GJASHTËSHJA VII
* * *
Vërtet,…me të drejtë,
Nuk e harrova në jetë,
Më shumë atë që më donte,
Se sa atë që doja.
Pse?
– do thoni –
Thjesht:
MIRËNJOHJA!
* * *
Ta zgjata dorën për shpëtim,
S’të lashë të bije në humnerë;
Kur nga ty prisnja përqafim,
Në hon më shtyve, besëprerë!
* * *
Zogu krahëthyer,
Mos prit të fluturojë,
Mos prit të këndojë.
Po e ngushëllove,
Dhimbjet ja shtove;
Lere të vajtojë!
I miri, zog…
Krahëthyer kush të desh,
Tani…ndoshta qesh!
* * *
Bota sot
E ngreh në qiell si GJENI.
Sa qe gjallë,
E quajti të marë,
E mbylli në çmendi!
* * *
Kujtoni, o miq,
Si shiten e blien,
sot në ankand,
Piktura të vjetra
Me miliona dollarë.
Piktori iku nga kjo botë,
I drobitur,
këmbë zvarrë,
zorë tharë!
* * *
Grumbullove, njeri,
Më shumë se KARUNI pasuri,
Sa mbretrit ta patën zili.
Po sot?…
Askush,
Varrin dhe emrin s’ta di!
30 nëntor 2025
