Dasmë e madhe.
Dasmë e madhe po bëhej sot në perëndim
të gjitha retë ishin të ftuar
Të bardha dhe të zeza,të gjithë veshur kuqëlim
Kërcenin të gjitha mbi botë të harruar!
Kjo dasmë e madhe,ma zgjoi nostalgjinë që flinte gjumë
kur jeta kish hipur mbi degët e pranverës
si sot, në dasmën time, dasmorët vërshonin si lumë
në dasmën time s’harroi të vinte dhe zogu i verës .
Në dasmën time, erdhi festoi dhe perëndimi
si sot i mblodhi retë dhe atëherë
atëhere dhe degët e thata ,çelën nga gëzimi
zogu i verës ,nën sqetull kish fshehur një pranverë .
Këtu jeta mori kthesën e madhe të rrugëtimit
treni i jetës u fut në shina të tjera
këtu dashuria,kurorëzoi përjetësimin
sheshet e jetës u mbushen me lule shqerra.
Ndaj i këndoj vjeshtës me kaq kërshëri
ajo hapi zemrën ,me futi në shpirtin e saj
përpara vjeshtës ndjenjat qëndruan – qiri
përkëdhelën dashurinë,si flladi i luleve në maj.
