Përktheu: Ervina Toptani
Do të humbësh shumë njerëz
përgjatë rrugës tënde,
Një telefonatë më pak,
një mesazh i harruar.
Të tjerë do t’i humbësh me zgjedhje,
tënden ose jo.
Por disa do të mbeten brenda teje,
mjafton një fotografi e harruar
mes faqeve të një libri,
një këngë në radio,
dhe ja, do t’i kujtosh,
do të buzëqeshësh.
Ndoshta do pyesësh veten si janë,
ndërsa përballojnë betejat e jetës,
nëse janë të lumtur.
E … do të mallëngjehesh
duke kujtuar si i keni përballuar
dikur betejat sëbashku.
Do ta lësh fotografinë mënjanë,
do të fikësh radion
e do të vazhdosh përsëri ditën tënde,
duke u përpjekur të shkundësh prej vetes
atë ndjesinë se,
bashkë me ta,
ke humbur edhe një copëz nga vetja.
Gabriel Garcia Marquez
Përktheu: Ervina Toptani
