Preng Maca
gotë me verë
vetë Zoti
bashkë me ato
që me magji na bënë,
na dha në dorë nga një pije të paparë
nga një gotë verë.
dikush e mori në dorë,
e vuri tek buza shpejt e shpejt,
dikush u ngut dhe duke u dridhur
e derdhi krejt,
dikush e piu dhe e ndjeu pijen
dhe shijoi këtë jetë,
dikush e ruajti
gotën e mendoi ta çonte në buzë vonë
ta shijonte gotën e verës
e ruajti të fshehur brenda vetes të strukur
po , kur e mori ta pinte
ishte bërë …uthull.
Zoti
bashkë me ato që me magjinë e bërë
iu dhuroi të gjithëve nga një gotë verë!
