Selim Cerpja
G R U A S
Linde…
Jetën për të zbukuruar
Në këmbë detit s’i dilet mbanë,
Pa fund vargjet për ty me shkruar
Si shoqe, grua dhe si nanë.
Kurrë nga jeta dorë nuk heq
Gjithmonë me ndjenjën e mirësisë,
Gjendesh pranë në t’mirë e t’keq
Mbetesh ” Hizri ,, i shtëpisë.
Shpirtin tënd e mban ” varë ,,
Ti ke dorën e praruar,
Dritë shtëpinë hekuros e larë
Nga ti tryezën gjenë të shtruar.
Paska qenë fat për burrin
Kemi në jetë nga një grua,
Je ajo që zbut dhe gurin
Në nevojë , zjarrin shua.
Ti gjithë Botën meriton
Nuk e kemi në dorë të shkretën,
Jeta jonë nuk mjafton
Borxh ne burrat , për gjithë jetën.
