Dritan Mardodaj
“Kandidat”
(2025 para erës sonë)
Doli prapë një turisëz
Edhe pak si edepsëz
Don hiqet për burrni
Sa çudi, po, sa çudi?!
Duke qenë një faqezi,
Turizi dhe ogurzi
Që lakmon veç pasuri
Paska gjet një stil të ri
Vishet me të bardhë tani
Po, ky tipi faqezi.
Po tashti me ju shpjeguar
Asnjë gjë nuk ka zbuluar
Pasi fjala kandidat
Është e bardha o evlat.
Pra është një term latin
Që përdor me abuzim
Ky minuku pa parim
Veç hajni, vetëm lakmim.
E përdornin për fushatë
Qysh në Romën e lashtë
Ndaj u vishnin me të bardha
Nuk i’a “hante njeri dardhat”.
Ja sa mbrapa pra që janë
Të pacipët dhe mjeranë
Nuk pyesin për vatan
Shpërdorim, lakmi për famë.
Apolidë, dhe të pafe
“2025 para erës së re”.
Votimet në republikë
Thuaj po deshe antikë
Për çensor a për tribunë
Jo për hajna dhe spiunë.
Ja edhe për kë se dinë
6 muaj kishin pushim
Populli n’atë kohë latin
Ndërsa ky që bën “modernin”
Në tokë don të sjellë “ferrin”.
Për vete qëndron n’ “Eden”
Se për popullin s’ja ndjen
Edhe mjekrën po e mban
Ngjyrë të bardhë ky mjeran
Ky që s’ka “identitet”
Don të hiqet dhe si “mbret”?!
.
.
.
.
.
Dritan Mardodaj
.
.
.
2025
.
.
.
