Konkurset e poezisë përtej modestisë që dhurojnē vlerësimet me çmime, poetët pjesmarrës po i vleresojnë si aktivitete që më së shumti dhurojnë kënaqësinë e takimeve dhe njohjeve mes tyre, pasi gjatë tre dekadave të fundit gjeografia e takimeve të tilla është shtrirë në mbarë trojet kombëtare. Në fund të fundit kush më mirë se poetët dijnë ti thurin vargje dashurisë për Atdheun
Në piktakimin e radhës “Ora e Muzës Lissus” zhvilluar në Lezhë unë u paraqita me këtë poezi lirike.
LETRA DASHURIE TE ADOLESHENCES
Sa letra të kam nisur në zarfet e dëshirës
Letra shkruar me aritmi zemre
Kur i lexoja prush bëhesha fytyrës
Vallë a jan fjalët që pret njē zemër femre?
Herë huazoja citate dashurie nga të tjerë
E herë vargje merrja nga poetë të shquar
I shkruaja, i lexoja me dhjetëra herë
Se mos ndonjë fjalë ka për të lënduar.
I shkruaja fjalët, i fshija, s’më pëlqenin
S’më dukej se ishin fjalët e duhura
Nga turpi a frika se letrat më gjenin
Si grisja, flakën u vija, ashtu tē shkruara.
I zgjedhja fjalët të ishin si frutat
Të pjekura, të ëmbla, erëmirē
Të vinin te ty, si te lulja fluturat
Me shpresën se i prisje me dëshirë.
Eh sa letra mbusha me fjalë nga zemra
Dhe asnjërën s’arrita ta sillja në dorē
Ishin vite adoleshence kur nisnin ëndrrat
Ti shkruaje një vajze duhej jo thjeshtë letër e bojë.
