Poezi
1.
Krahët
Krahë të zhgënjyer
drejtuar qiellit
në perëndime të rozta
Fluturime zogjsh
kthime në fole krahësh
në muzgjet që fillojnë të përgjumen
2
Fusion
Degët pa gjethe
përkulen nën qiellin e rënduar,
derdhin lot petalesh mbi rrugë
Rruga e lagur
përtyp lotët e qiellit,
përzier me lotët e degëve
dhe hapat e kalimtarëve
Përzierje lotësh,
ngatërrim i qiellit dhe i tokës,
stinë qarjesh
ku flitet me pëshpërima.
3
Danza qiellore
U shkëput…
Dridhshëm,
dridhshëm…
Dridhshëm po bie nën erën e lehtë,
duke u rrotulluar rreth vetes.
Venera,
për të fundit herë!
Ju bashkua të tjerave
që më parë
u ishin bashkuar tokës,
afër trungut të mocëm
