Shire Dhima
Merreni zemrën time!
E tunda zemrën të ngrihej,kish ardhur pabesija
Faqeve e godita,të ngrihej në këmbë
Vetëm sytë i hodhi, pa zbathur këmbët e tija
Trupin nuk e luajti,ishte bërë shkëmb!
O Zot, qënka sëmurë zemra ime
Thirri djemve dhe vajzës të vijnë urgjent
Nuk do para syve, asnjë thërrime padrejtësie
Thërrime toksike që helmojnë lumenjt.
Nuk do zemra ime, përveç shkëlqimit të vërtetë
Bëhet kaçurrel,sa herë hijet e mësyjnë
Me vërtetësi ushqehet,ka një jetë
Kolesterolit të keq ,i ka vënë drynë.
Eja,ejani merreni zemrën time
Kësaj bote të molepsur ,si bindet asnjiherë
Si bindet thikave që shpojne pas shpine
Rrymave vrastare i ka mbyllur derë.
Sa rryma marin vrullin për në zemër
Amperi arrin të prek kulmin
Kjo zemër mbi ballë ka vënë një emër
Njeriun, që kurrë se baltos me llumin!
