Vjollca Aliu
______________________________________________
VITET EKUACION
______________________________
Gotat u cakërruan
Shkoi dhe një vit tjetër
Gëzimet e vuajtjet e zemrës
Mbeten si shkronjat n’letër.
Gotat që nuk u thyen
Si zemrat që s’thyhen dot
I rrëmben vërshima e stuhia
Por arteriet s’lahen n’lot.
Copa gotash tjera
Thërrime u shpërndanë
Sikur shpirtrat që coptohen
Ikën, shkuan, kurrë s’u panë.
Gëzime, vuajtje, buzëqeshje e lot
Të gjitha i ka jeta
Lum kush me sinqeritet jeton
E nuk fshehet nga e vërteta.
Jeta gjithçka ka
Jeta është matematikë
Kush shumëzon vuajtjet e të tjerëve
Lumturinë e vet ai ka me zbritë.
