Nëse një ditë
Nëse një ditë ke humbur stacionin
Ke harruar edhe kujtimet
që të mbajtën si ushqim shpirti
natyra ka me veshë petkun e dhimbjes
do të celë lule-harrim dhe gjemba
askush s’do t’u marrë erë
nëse një ditë kur zgjohesh
harron ta puthësh diellin
si të ngrohemi ne pa rreze dashurie?
Si t’i përgjigjemi etjes së pashuar
përgjigjen do ta marrë furtuna
stuhitë e pendimit dhe mëkatit
nuk di kë do ta përplasin më shumë?