PËRSE?
Përse nata kaq e zezë
Dita humbur në greminë?
Fjala e urtë pikon helm,
Përse gurët janë të lehtë,
Hapi ynë bërë i rëndë?
Përse gjuha si tel i nxehtë,
Zogj ka, por nuk ka këngë.
Përse rrugët s’kanë shteg?
Bukë plot, ne të uritur;
Pse mbi lule s’ka më bletë,
Pse dhe dielli i djersitur?
Pse ata që votojnë ligjet,
Kuvendojnë si në pazar?
Për të mbrojtur ato karrige
I lyejnë dhe gishtat me zjarr…
Ne e dimë, ngremë supet kot,
Ushqehemi me fat të stisur;
Zogj shtegtarë nëpër botë,
Nëpër erë si flamur i grisur.