KËNGË VJESHTE …..
———————–
Ishte vjeshtë kur u ndamë ,
Mes’ Tetori si tani ,
Në park zunë të bien gjethet ,
Lamtumirë ,dot s’të thashë ,
Lamtumirë , s’më the as ti ,
Humbe si yll nëpër natë
Dhe s’u çfaqe përsëri .
Edhe vjeshta zu të qante ,
Mbushi me lotë tre shami ,
Notat nëpër pentagrame
Pikonin melankoli ..
Dashuria humbi fare
Në një det me xhelozi ,
Në gji ca shkëndija zjarresh
Vetëtijnë si në rini .
Edhe vjeshta z’u të qante ,
Qielli u vesh në gri ,
Unë e pashë si t’u harkua
Një ylber lotësh në sy .
Ishte kohë kur ëndërronim
Të kishte më shumë liri ,
Kur të ndarë nga bota rronim ,
Me mirazhe , utopi .
Ishte vjeshtë kur u ndamë ,
Vjeshtë moj , mos më mbaj mëri .
Ne në park si dy statuja ,
Ende lagemi në shi .